بحث هذه المدونة الإلكترونية

ترجمة الصفحة

Translate

‏إظهار الرسائل ذات التسميات للجميع. إظهار كافة الرسائل
‏إظهار الرسائل ذات التسميات للجميع. إظهار كافة الرسائل

الجمعة، 22 فبراير 2019

مطلوب شريك بالنصف في كامل أرض ومبني ورخصة مخبز عيش بلدي مرخص وكامل التشطيبات وجاهز علي التشغيل والرخصة مجددة حتي نهاية 2017 /2018 .


مطلوب شريك بالنصف في كامل أرض ومبني ورخصة مخبز

عيش بلدي مرخص وكامل التشطيبات وجاهز علي التشغيل

والرخصة مجددة حتي نهاية 2017 /2018 .

فيديو توضيحي للمبني وللمعدات



المخبز لم يتم تشغيل قط حتي الآن .

رخصة سارية وقابل للتشغيل فور وجود الشريك .

المخبز جزي من مبني مساحته 115 م مربع والمبنا به محل مساحته 30 متر كامل التشطيب .
.
مساحة الأرض بالمناور والمنافع والشارع المتروع من الملك قيراط 175 متر .

سعر المتر بالمباني 3500 جنية بأجمالي سعر للأرض والمباني مبلغ وقدرة 

612500
جنية فقط ستمائة واثني عشر ألف وخمسمائة جنية مصري فقط لا غير .

والمخبز كامل المعدات والتشطيبات وجاهزة علي التشغيل الفوري وكامل معدات 

الخبز جديده بالكامل لم تستخدم من قبل وهي كامل معدات مخبز عيش آلي عبارة 

عن فرن مصنوع من الصلب والصاج المجلفن المحالج ووالقوبة طوب حراري 

وصاج معالج والسير طولة 4.50 وعرضة 1.10 وكامل عرض الفرن 2.20 

والفرن بالكامل من الخارج مغطي الأستالستين والفرن باكامل مدخنة بأرتفاع 12 

متر وبكامل المواتير ماتور بالجروبكي للسير ومتور دافع الهواء والشفاط - عجانة 

كبيرة 200 كيلو من الصاج المجلفن بالماتور - معجنة خشبية للتخمير العجيين 2 

جانب من أجود أنواع الخشب المسكي الفلندي بسمك 15مم _ مخمرة عجين كبيرة 

متر وربع في 50سم في 75 سم + عدد 100 طولة خشبية مصنوعة من المسكي 

والبلكاش المسكي الفلندي + عدد 2 خزان سولار يخزن كل منها 10 صفحية

سولار آي 250 لتر للخزان الواحد و500 لتر " نصف طن للخزانين ومتوثل

بينهما بماتور رفع خزان أرضي مدفون وخزان علوي + ساخن مياة 500 لتر +

حامل عيش كبير + عدد 100 قفص تهوية والمخبز كامل المرافق مياه وكهرباء .

والمحل مشطب وليس بيه مياه او كهرباء .

جميع المعدات جديدة لم تستخدم

المخبز له رخصة 6 أشولة ، موزع الآن علي بعض مخابز قرية الجزائر لحين 

تشغيل المخبز هذا سعر معدادت المخبز والرخصة 185 ألف جنية فقط مائة

وخمسة  وثمانون ألف جنية مصري ..

اجمالي مبلغ الأرض والمباني للمخبز والمحل وللمعدادت والألات والرخصة للمخبز

مبلغ وقدرة 812000 جنية فقط ثمانمائة واثني عشر ألف جنية مصري فقط لا غير

مطلوب شريك بالنصف في ملكية الأرض والمباني والمخبز والرخصة .

يقوم الشريك بدفع مبلغ وقدرة 406000 جنية فقط أربعمائة وستة الف جنية مصري وبذلك يكون شريك بالنصف في كامل الأرض 

والمباني للمخبز وللمعدات والرخصة بالمخبز وشريك بالنصف في المحل الذي فهو

جزء من المبني وبجوار المخبز
.
علماً بان الأرض المباعة مسجلة تسجيل نهائي بالشهر العقاري ضمن تسجيل كامل

القطعتان 123 و 125 بحوض نزلة النصارة نمرة 8 جزائر فصل أول بزمام قرية 

الجزائر مركز سمالوط محافظة المنيا بأسم / طارق أحمد عقل محمد بموجب تسجيل

الحكم رقم 87 لسنة 2013 سجل عيني سمالوط المنيا بأسبقية تسجيل 41 لسنة 

2014
سجل عيني بشهر عقاري سمالوط المنيا .
.
للشريك الحق في تسجيل نصيب النصف في المساحة المذكورة البالغ قدرها قيراط

وتسجيل نصف المباني تسجيل نهائي وكذلك المخبز وله الحق في تغير الرخصة

باسمه وأسم المالك السيد / طارق أحمد عقل محمد .

للأستعلام الأتصال علي الأرقام الأتية :-

1028596288 

1006751034 

المعاينة علي الطبيعة بشارع اللواء محمد عقل باشا بقرية الجزائر - مركز سمالوط - محافظة المنيا 








بعض صور المبني والمحل والمخبز المراد بيعه















للأستعلام التصال علي الأرقام الأتية :-


1028596288 


1006751034 


المعاينة علي الطبيعة بشارع اللواء محمد عقل باشا بقرية الجزائر - مركز سمالوط 


- محافظة المنيا .

الجمعة، 11 أغسطس 2017

مشروع تربية الحمام في سطح المنازل

مشروع تربية الحمام 

تربية الحمام في سطح المنزل. 
===============
الموضوع هيشمل كل شئ ان شاء الله من الالف للياء  
لكل الي عايز يربي ف اي غرفه ف السطح  ..
..
الي حابب ينجح ف شئ مش هيمل من القرأه 
لكن مع القرأه ابدا اول خطوة
الجزء الاول 
لما حبيت اربي ياجماعة ناس ساعدتنى فى الموضوع دا بالكامل وناس فاهمة جدااااا وحبيت اعرض ليكم الموضوع علشان اللى فى دماغه الموضوع يعمله
يعتبر الحمام المصرى من اجمل انواع الحمام على مستوى الم العالم وهو ايضا اقدم حمام موجود على وجه الارض
اما اصل الحمام المصرى هل هو مصرى ام شامى ام هندى ام تركى ام مصرى فهناك خلاف فبعض الانواع مصريه اصيله
والبعض الاخر جاءت من الشام وتركيا والهند منذ الفتح الاسلامى لمصر وكل هذا الانواع لا توجد فى اى دوله بالمواصفات 
الصحيحه الا فى مصر والحمد لله 
وينقسم الحمام المصرى الى عدة سلالات
وهى
(
الحمام الغزار) وهو عشق العالم كله وهو من الحمام الطيار السريع فى الطيران وعلى ارتفاعات عاليه جدا وينقسم الى 
عدة بيوت
1-
الحمام الصافى (متعدد الالوان)
2-
الاحمر-المرقع
3-
الاسود-العنبرى
4-
الابلج (متعدد الالوان)
5-
المسود
6-
القطقاطى (متعدد فى درجة اللوان)
7-
الريحانى - الاصفر - الازرق قطيفه -
8-
العبسى المصرى- الحلبى المصرى- القرنفلى
الحمام المراسله المصرى (متعدد الالوان)
الحمام الشقلباظ المصرى (متعدد الالوان)
الحمام الكوجوك المصرى (متعدد الالوان
اولا ملك الغزار المصرى الصافى
ويوجد منه اثواب كتير منها السكرى بضم الميم والمزرزر والكشميرى وابو رقبه خضراء وصفراء والازازى
ابلج قشر بندق
ابلج اخضر
ابلج اخضر
الحمام القطقاطى
الحمام الحلس (متعدد الالوان)مهجن من السلالة المصرية والشامية
************************
وملخص انواع الحمام هو
أهم وأجمل أنواع الحمام المصري - انواع الحمام في مصر
وهي :-
1-
الغزار (الوزار)
2-
الاسترالي
3-
الشقلباظ
4-
البنيدي
5-
العبسي
6-
الكركندي
7-
الحلبي
8-
المسود
9-
الرحاني
10-
العنبري
11-
المصري(الفلاحي)
12-
الحلسي (الحلس)
13-
البلوني (الجعفري)
14-
النفاخ
15-
الهزاز(الرقاص)
16-
الكشاك(الكشكي)
17-
المسافات
18-
الزاجل
19-
اليمني
تربية الحمام .. معلومات عامة عن طيور الحمام
الغذاء:
متنوع من الحبوب كالذرة والشعير والدخن، والعدس، والفول والخبز المطحون، والرز، إضافة إلى الحجر الجيري لتزويده بالأملاح وتسهيل الهضم وتقوية الجسم ومن المهم ربط التدريب في الحمام بتوقيت تقديم الغذاء، وخصوصاً حمام السباق الزاجل.
///////////
1)
مدى ربحية تربية الحمام
هناك ثلاثة أنواع من حمام التربية هي: الحمام الكنجي والبلدي والخليط، يأكل زوج الحمام من 40 إلى 50 كجم علف/ السنة، ويعطي من 10 إلى 12 زوجًا، فإذا فرضنا أن نسبة النفوق 25%، وأن تكلفة التغذية (45 كجم × 00 لكيلو العلف) جنيهًا مصريًّا/ سنة، بالإضافة إلى تكلفة الرعاية (30% من تكاليف التغذية)، تصبح التكلفة الإجمالية لزوجالحمام حوالي 40 جنيهًا مصريًّا/ السنة، وحيث إن زوج الزغاليل تباع بنحو00 جنيهًا مصريًّا، فإن العائد من زوج الآباء يصبح حوالي 00جنيهًا مصريًّا، أي أن الربح حوالي 00جنيهًا مصريًّا/ زوج/ سنة، هذا مع عدم حساب رأسمال الحمام، فالبعض يربي الحمام فقط من أجل رأسماله.
//////////////////////
2)
المساقي:
طريقة شرب الحمام تختلف عن الدجاج؛ لذلك فإنه يحتاج إلى مساقي عميقة ولكن يمكنه أيضًا استخدام مساقي الدجاج. كما يجب أن يؤخذ في الاعتبار أن تكون المساقي محمية من التلوث بالزَّرق. كذلك يمكن استخدام المساقي الآلية الخاصة بالدجاج، ويجب على المربي أن ينتبه كذلك ألا تشرب الطيور من أحواض الاستحمام؛ لذلك يجب تفريغ هذه الأحواض عقب الاستحمام الأسبوعي مباشرة. أما في حالة استخدام نافورات متجددة الماء يمكن السماح للحمام بالاستحمام والشرب معًا
////////////////////////////
3 -
تغذية الزغاليل:
في المزارع الكبيرة وللحصول على زغاليل كبيرة الحجم ولزيادة عدد الزغاليل (لأن الآباء تبيض بسرعة عند اختفاء فراخها)، فإنه يتم جمع الزغاليل عمر 10 أيام، وتوضع في بطاريات، وتغذَّى بـ"التزغيط" حتى عمر 28 يومًا، حيث يتم نقع الأغذية لمدة 4 ساعات، وتملأ الحوصلة 2 – 3 مرات في اليوم. ويتم "التزغيط" باليد على عليقة 50% فول، 25% قمح، 25% ذرة أو عليقة فول وذرة بنسبة 1:1. أما الماء فيسقى بواسطة سرنجة بلاستيك. الطيور التي ستبقى للتربية يقدم لها عليقة انتقالية لمدة شهر تتركب من ذرة وفول بنسبة 1:2. ويعتبر عيب التغذية الإجبارية هو زيادة تكلفة العمالة.
///////////////////////////
4)
السكن:
هناك أنواع متعددة منها الأبراج ، الأقفاص، المساكن الخشبية
2)
الأقفاص للحمام + مساكن خشبية تحفة جدااااااااا للتربية الحمام .
مقارنة بسيطة جدا بين
تربية الحمام و الدجاج
لا يحتاج الحمام إلى عناية ويمكن للمشتغل بتربيته أن ينصرف إلى أعماله الأخرى مطمئناً، فالحمام يعيش في أزواج ويعملان الذكر والأنثى معا في التناسل والتفريخ وحضانة الصغار دون تدخل من المربي وهنا يجعل تربية الحمام غير مكلفة وغير مجهدة.
لا تحتاج تربية الحمام إلى القيام بتفريغ صناعي ولا حضانة صناعية.
لا حاجة إلى تغذية أفراخ الحمام بأغذية مجهزة خاصة كصغار الدجاج.
قلة نفوق أفراخ الحمام، فهو قليل الأمراض مقارنة ببقية الدواجن ، ويعتبر أقل الطيور إصابة بالأمراض.
خفة العمل وسهولته في تربية الحمام.
لا يحتاج الحمام إلى إدخال دم جديد كل عام حتى لا يضعف نسله.
يظل الحمام ينتج منتظماً حتى يبلغ عمره 12 سنة بخلاف الدجاج 3 سنوات تقريبا.
لا خوف من تهجين الحمام لان كل ذكر يختص بأنثاه.
قلة أمراض الحمام فمادام غذاؤه نظيفاً وماؤه متجدداً فلا يخشى عليه من أي مرض.
لا يحتاج الحمام إلى نظام تربية فانه ينتج في جميع الفصول.
لا يحتاج الحمام إلى تخصيص مساحة كبيرة لتربيته، فسكن الحمام بسيط للغاية ولا يحتاج تكاليف كما في الدواجن الأخرى، فتنجح تربيته داخل مساكن مختلفة من الخشب أو السلك أو فوق أسطح المنازل أو الريف أو الحدائق أو المدن.
يمكن تربيته في جميع المناطق ولا يتأثر إنتاجه ولا يختلف في جو عن آخر.
قلة رأس المال وتكاليف الأدوات اللازمة للابتداء في تربية الحمام.
سهولة تغذية الحمام فيكفي تغذية الحمام الكبير وهي تتولى تغذية صغارها.
إمكانية زيادة عدد الأزواج المنتجة بسهولة عام بعد عام.
لحم الحمام من أفضل أنواع اللحوم طعما وقيمة غذائية وله مذاق خاص يجعله مميز عن بقية الدواجن.
سرعة ربح الحمام حيث يمكننا الحصول على إنتاجه بعد 45 يوماً من وضع البيض.
الحمام طائر قوي يتحمل التقلبات الجوية من حرارة أو برودة، ويتكيف معها بسهولة.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الثاني ..
اسئله المبتدئين وايضا علي ن يكون مرجع لكل مبتدا في تربيه الحمام وكل ما اطلبه هوا الدعاء لي ولكل من شارك ف الاعداد  
.
س1- ما هي افضل انواع الحمام من ناحيه التربيه 
افضل انواع الحمام هي 
أ-الحمام الفلاحي 
ب-الحمام الزاجل ( الجمعيه- الرمايه كلها مسميات لنفس الحمامه
ج-الشوامات (الكركندي -العبسي-الحلبي-والشقلباظيات)
د- الحمام التقيل(الروماني -الكنج-الموندينا-الجرم-الفرنساوي)
س2-اربي الحمام في اقفاص بوص ولا مخاميس خشب ولا صفايح 
زمان كان كله بيربي ف البوص ولكن الافضل المخاميس الخشبيه
س3-ناتج تزاوج
1
بلدي+اي نوع من انواع المبتدئين = بلدي
2-
شوامه+جمعيه=بلدي
3-
كرزلي +جمعيه= حمامه حضان عضمها مليان عن الجمعي واخف من الكرزلي ورخيص تمنه
س4-الحمام مش عايز يبيض اعمل ايه
متعملش ياسيدي دا رزق من ربنا وعموما اكلف كويس وحط فيتاميناتك كويس وكمان هـ سيلينيوم
س5- البيض رايق اعمل ايه ( الدكر كسره فاضي اعمل ايه)
متعملش ياسيدي دا رزق من ربنا وعموما اكلف كويس وحط فيتاميناتك كويس وكمان هـ سيلينيوم
ولو قصر رقبتك تاني الجوز جوز الدكر لنتايه تانيه ولو برضه بيضه رايق ادبحه او بيعه 
قالي تعالي "ويجعل من يشاء عقيما"
س6-الحمامه اكلت كويس والصبح لقيتها ميته
امر الله ياعم ونصيبك بس اقولك برضه شوف حمامك ماله لو فيه تعب عالجه قبل فوات الاوان
س7- النتايه باضت بره العين(النتايه باضت ف الارض)
نصيبك بقي هتعمل ايه قدامك حلين ياتسيبها ترقد مكان ما باضت ياترمي الحصي واحبسها في باب وخد بالك بعد كده او اقفل عليها بابها عشين كده ولا حاجه
س8- دكر ولا نتايه 
لو دكر هاتلاقيه بيشخور ويلف حولين نفسه ويطارد النتايه 
لو نتايه هيكون هادي ف زومانه وف الاخر هتبيض
س9-سؤال مجنني دكرين ف العشه مش طايقين بعض ودايما خناق ويكسرو بيض بيعض اعمل ايه 
احبسهم او احبس واحد ولو خانقينك قوي بيع واحد منهم
س10-الدكر مش عاوز ياخد النتايه 
اتاكد انها نتايه الاول بعد كده اتاكد من تمام بلوغهم وزوفانهم ولو برضه مش نافع حطهم في بابين جنب بعض لحد ما يالفو بعض والف مبروك بعد كده
س11-اجوز نتايتين لدكر عادي 
والله هوا عادي لو الدكر هيقدر يقوم تمام مع الاتنين بمراعيه الزغاليل بس الافض نتايه لكل دكر
س12- الحمامه ترقد علي 3 بيضات ولا مش هينفع 
عادي بس انتا كده عرضه لموت احد الفروخ واحيانا اتنين منهم واذا عاشو الثلاثه فانهم اغلب الاحيان يكونو ضعاف
س13-القص باض مره ماباضش تاني 
اقولك خدهم لدكتور نسا وولاده 
يعني القص يا اما بقي عطال يا اما في فتره القلش اهتم بالكالسيوم الفيتامينات وهـ سيلينيوم ف الماء 5 ايام
س14-اسيب الزغاليل مع الاهالي ولا افطمهم 
والله انتا وزوقك لو لقيتهم بياكلو كويس افطمهم غير كده سيبهم احسن
س15-الحقوني الدكر ساب نتايته وخد نتايه تانيه 
احبسه تاني مع نتايته ف باب لو مرجعش ليها وعايز التانيه ياتبيعه يا تبيعها يا اما تسيبهم لبعض وخلاص
س16-الحمام بيطيير في الاوضه وبيخبط ف الجدران 
بلاش تفزع حمامك وتجري وراه زي المجنون وهوا ميخبطش منك
س17-الحمام موقع ريشه وريش رقبته ومش عارف يطير هوا كده تعبان 
لا يابا دي بقي اسمها فتره القلش ودي عباره عن فتره الحمام فيها بيغير ريشه بريش جديد
بس اهتم بالكلفه والفيتامينات والاملاح المعدنيه والكالسيوم
س18-الزغلول مش عايز يطير اعمل ايه
يا اما نقص كالسيوم يا اما ضعيف يا اما لسه اوان طيرانه ماجاش زيه زي الطفل الصغير علي ما يمشي واحد يمشي بدري والتاني يمشي متاخر سويه
س19-الزغاليل طارت مرجعتش تاني اعمل ايه 
ولا حاجه انساهم بقي ولما تربي تاني اقرا كويس في نش الحمام معانا برضه علي المنتدي
س20- بيضه فقست والتانيه لسه 
اصبر يومين لو فقست قشطه تمام لو لا ارميها لان كده حاجه من 3 البيضه دي رايقه او الزغلول مات في احد مراحله او الكالسيوم زياده مقدرش يطلع
س21-البيض مفقسش ولونه اصفر 
يبقي رايق 
طب لونه غامق كده 
يبقي الزغاليل ماتت جوه البيضه او مقدرتش تخرج منها
س22-الدكر بيبوس النتايه كده هيبيضو امتا 
(
بصراحه انا اللي هبيض خلاص)
والله دي يعلمها الله يعني ممكن اسبوع لشهر اتاخرو عن كده دي بتاعه ربنا 
وياعالم ممكن يكونو عطال
س23-اطير الحمام امتا اصل انا خايف عليه
في اي وقت بس بلاش وقت الظهر ف الصيف وايام الشتا الممطره وبالليل علشان الللي بيتفزلكو
س24-الحمام مش عايز ياكل 
نوعله الكلفه جوعهم وقدم الاكل لمده نص ساعه وبعدها شيله هاتلاقيهم مناشير واتاكد انهم مش عيانين
س25:يا جماعة انا عندي جوز حمام راقد علي 4 بيضات وكلهم مخصبين اعمل ايه؟
وللعلم الجوز ده برده كان راقد اخر مرة علي 4 بيضات بس ساب البيض
ج:الحمام عامة بيبيض من 2 الي 4 بيضات ف المرة الواحدة
ولكن بعضهم لا يقدر ع تاكيل جميع الزغاليل ف نفس الوقت
فحفاظا ع صحة الزغاليل
يا اما تحضن بيضتين تحت اي قص تاني
يا اما ترمي بيضتين
س26:يا ريت يا جماعة حد يقوللي السبب والحل
انا لسه مطلع حصي رايق من تحت الحمام (جوز واحد) يا تري ايه السبب واعالجه ازاي
ج:اول حاجة دة امر الله
ثانيا فية اسباب كتير
زي اية ؟؟؟؟ الحمام علية ريش او بيقلش
الدكر نفسة بيروق ودي من عند ربنا هوة عقيم
ممكن يكون نقص فيتامينات وكالسيوم ولو غالي حاول معاة ولو رخيص ممكن تغيرة
س27:عندي الحمام كان بياكل جامد بس بقاله يومين اكلته ضعفت مبقاش يحصل نص الكميه ايه هي الاسباب المتوقعه
ج:ممكن تكون بتسيب الاكل قدامة
ممكن مرض داخلي وانت مش عارفة
وممكن شهية ودي حلها التوب والليمون ع غير الريق
وممكن الكلفة مش متنوعة او محتاج تدخل انواع جديدة فيها
س28:السلام عليكم ورحمة الله وبركاته
بعد التحية علي كل اهل المنتدي
كنت عاوز اعرف اما هو الفرق بين الحمام الزاجل والرميات والمراسلات؟
وحمام التحضين ؟
ج:الزاجل هوة الرماية هوة المراسلة هوة المسافات ودي حمامة سبق يا اما حمامة حضان
س29:عاوز اسال النتاية اللى هجيب منها البيض اول ما تبيضه واحطه تحت النتاية العطال ده مش ممكن يخلى النتاية دى بعد كده متبيضش تانى او يعنى تخيب تبيض وما ترقدش على البيض
وهى النتاية دى هتبيض تانى عادى وبعد قد ايه
وسوال تانى هو ممكن النتاية العطال متاكلش الزغاليل بعد ما يفقسوا
ارجوكم الرد بسرعة
واسف على الاطالة
ج:الاول بالنسبة للنتاية الى هتاخد حصاها
هتبيض تانى عادى جدا ولو سبت الحصا هترقد عليه برده
بعد قد ايه دى فى علم الغيب لكن غالبا لو القص حامى فى خلال اسبوع بتشوف حصاهم الجديد
بالنسبة للنتاية العطال لما هتديها حصا هترقد عليه وهتزق الزغاليل بس لازم يكون معاها دكر علشان يعرفو يطلعلولك الزغاليل لانها ممكن متقدرش عليهم لوحدها
س30:أيهما أفضل ؟!
قص ريش الحمام ولا نتفه ولا لزقه بشريط لازق ؟!!
وهل القص أو النتف ممكن يخلى الحمامه ماتشتغلش لحد ما الريش يطلع تانى ؟!!!
ج:انا افضل النتف علشان كدة كدة بيجدد الدورة الدموية ف الفرد انما الشريط اللاصق ممكن يموت جذور الريش ومايطلعش تاني وكمان القص الكتير يكتف الفرد
سواء قص او نتف او شريط لاصق مالوش دعوة بالشغل الدكر بس بيحتاج نطة صغيرة علشان يبقي فوق النتاية مش اكتر
س31:عاوز اعرف يعني اية عطال؟؟؟؟
ج: عطال يعني عطلانة ... يعني مش بتبيض ...ويوم ماتحطلها بيضة بترقد عليها 
ف اي وقت تحطهالها وترقد عليها وتاكل الزغاليل وتطلعهملك 
بس ابقي خلي بالك مش دايما تحطلها مش ورا بعض يعني لازم تريحها شوية علشان ساعات بترفض البيض
س32:عندى دكر غشيم كل محته مع نتايه يخليه ارعه و يعوره فى دمغه ويشيل الريش الى على رسه كله
ج:اتبع التعليمات ال ف موضوع المبتدئين ومش هاتبقي ارعة هايطلعلها شعر ههههههههه
س33:عندي دكر زاجل داخله بلدي خاد نتايه استرالي وفصلتهم رجعوا لبعض تاني فرضيت بالامر الواقع وسيبتهم انهارده بس لقيت الدكر عمال يجري ورا النتايه وعمال يضربها في دماغها ويقطع ريش من دماغها ومش مخليها تاكل
اعمل ايه وهو فيه ايه
ج:لو مش عاوزيهم ياخدوا بعض ماتخليهمش يشوفوا بعض ....ولو بيضربها يبقي هايبيضوا
س34:عاوز اعرف الحمام بين العش والعش بياخد وقت قد ايه بمعني اني عندي حمام بيضه طلع وبياكل حاليا وانا هعزل زغاليله عنه بعد عمر شهر عاوز اعرف هبيض تاني امتي يعني امتي هيتجوز تاني
ج: انا ال هابيض ههههههه ....ع حسب ما ربنا يسهل بقي هاندخل ف حكمة ربنا .... من 10 ايام لشهر
س35:هل يتغير لون ريش الحمام بعد فترة القلش ة تغيير الريش و لا بيرجع زي الاول و نفس اللون . انا لاححظت ان لون الريش بدأ يتغير و تظهر الوان جديده
ج:هوة عامة اللون مش بيتغير بس فية انواع بيتغير فيها اللون للاوحش او للاحسن
ودة بيرجع لعامل الوقت والحاجات دي بتبقي ملاحظة جدا ف الغزار
س36:زغاليل يدوب ريشها بدا ينبت ابوهم طار مرجعش وطبعا تاكيل النتايه ضعيف وهما بيصاصو وكل اما اروح اشوفهم يعضو في ايدي من الجوع
وعندي جوز معاهم زغلول واحد ادهم في العمر ينفع احطهم معاه
بالله عليكم اعمل ايه انا محتار انا خايف ليموتو من الجوع
ج:حضرتك هاتضطر تاكلهم بايدك والجواب ف موضوع التربية
س37:انا عندى حمام مش بياكل غير زغلول واحد كويس اوى بس التانى مش بياكلو اوى خفيف اوى اعمل ايه ولو كدا اكلو ايه هو عندو 5 ايام
ج:بص يا سيدي القص شكلة جديد ف التحضين اول وش لية او هوة طبيعتة مش حنين 
يا اما تغير القص دي حاجة ترجعلك ...لو عاوز تكمل معاهم يبقي هاتسيبهم يحاولوا مع زغلول 
وتاكل زغلول انت بالخلطة المعروفة سيريلاك او كلفة مضروبة ناعمة وعليها شوية مية بس سيبة تاني تحت القص علشان فية حاجة اسمها لبا
ال هية لبن الحمام ف اول اسبوع لازم الزغلول ياكلة
س38:لو نقلت بيض شقلباظ تحت جوز بلدى
هل الزغاليل هتلعب ولا لأ ؟؟؟؟
ج: ههاهاهاهاهاهاهاي السؤال اهوة يا زكريااااااااااااا الحقني يابني هاموت من الضحك ...لو طفل رضع من بقرة هايطلع تووووور
س39:البيض كان موجود
نزلت اجيب الاكل و المياه
طلعت ملقتش البيض خالص
تفتكرو حصل ايه ؟
ج: هاهاهاهاهاهاي والله يابني ماعرف ماكنتش موجود وقتها بس اقولك هاتلك مخبر بقي او حد من امن الدولة واكلة
س40:السلام عليكم ورحمه الله وبركاته
انا عندي الحمام كان انتاجه زي الفل وبعد كده بدات شويه ظواهر غريبه تظهر
1-
نتايه عندها زياده كالسيوم البيض بيكون قاسي والزغلول يموت بداخلها
2-
نتايه عندها نقص في الكالسيوم البيض معلهوش اي قشر جو كيس والبيض ده مبينفعش
النقص هديها كالسيمات
الزياده اعمل فيها ايه .................؟
مستني الردود من اصحاب الخبره
ج:دلوقت انت المشكلة عندك عكسية 
ال عندها زيادة هاتخف من عليها الكالسيوم وال عندها نقص هاتديها كالسيوم فين المشكلة بقي والنبي ؟؟؟
س41:الريش فية حشرة غريبة كدة مش عارف اي دي 
ج: يا صاحبي جمد قلبك شوية دي دبانة يعني هش هش اتهشت خلاص ومع ذلك يا سيدي 
هات اكتومثرين بشري 5% من الصيدلية وحط غطاء لكل لتر ورش الحمام ببخاخ
س42:بسم الله الرحمن الرحيم
سؤال محيرني و أرجو من الخبراء و من عنده الجواب الصحيح الإجابة على سؤالي.
س43:سؤالي هو: هل يجب على الذكر ان يكبس الأنثى بعد وضع البيضة الأولى لكي يتم تخصيب البيضة الثانية (التي لم يتم وضعها بعد)؟ أم ان الذكر يقوم بتخصيب البيضتين قبل ان تضع الأنثى ايا منهم؟
سؤال مهم جدا و اشكركم على الاجابة مقدما
شكرا
ج: يجب تخصيب الدكر للانثي بعد البيضة الاولي فكل بيضة تخصب لوحدها ع التوالي لان البيضتين بيبقوا ف المبيض 
وبعدها بيضة بتنزل الرحم تتلقح وتنزل وبعدها الثانية
س44:عندى غرفة مغلقه الغرفه كبيره فيها 4 شببيك كلهم سلك شباك على السلم و3 شببيك على الوجه
يا ترى تنفع غرفة افرخ فيها الحمام ويكون بصحه جيده وله ايه
مستنى الرد ولو فى اى ملاحظات ممكن اعمله فى الغرفه عشان تكون كويسه ممكن حد يقالى
وشكرا
ج: ينفع يا سيدي بس لو داخلها هوا كتير اقفل شباك او اتنين
س45:عندي نتاية بنيدي مسميها( بسنت )هي رقيقة اوي امبارح باضت اول بيضة ليها بس اتفاجات ان البيضة ملطخة اوي بالدم من بره اقصد ان قشرتها عليها دم ياتري ده في خطورة علي( بسنت ) وشكرا
ج: ماتخافش ع بسنت يا باشا كلة تمام هية كدة علشان اول وش ليها بس ومافيش حد ذكي يقولي طب لو حصلت ف تاني وش سامعين
س46:لو سمحتم أنا عندي قص جمعيات باض من 24 يوم ولسه مفقسش لحد دلوقتي أعمل أيه ارجوكم علما بأن الدكر كبير يعني مأكل كتير أنا ظننت أنو مروق بس لقيته كده قولت لأ يريت حد يساعدني وعلي الفكره البيض تقيل يعني مش فاضي من وجهة نظري وأنتو أدرى مني
ج:ارمية ياريس وربنا يعوض عليك ...ربنا عاوز كدة
س47:عندي نتايه خمس شهور لسه محصتش ولا مره
وهي بنت حمام حنين جدا
عايز اخليها عطال
اكسر شوكتها ولا بلاش ؟؟؟؟؟؟؟
ج: ياراجل حرام عليك مين ال قالك كدة بس ...سيبها يا ريس حرام كدة
س48:السلام عليكم انا عندي مربي الحمام في عيون خشب وبلاقي متاعب في النظافه انا مش عامل ادراج نضافه واما باجي انضف بلاقي الزرق لازق ف الخشب ياريت تقولولي ايه الحل وجزاكم الله خيرا
ج: ياراجل حرام عليك دة انا ال لزقت دة انت هاتجنني ياعم شيلة ان شاء الله حتي بسنانك
س49:السلام عليكم ورحمة الله وبركاته
عندي نتايه عليها بيضه من امبارح والبيضه علي المخرج علي الخروج والكلام ده من امبارح ولحد دلوقتي والبيضه مزنوقه جوه ومش عايزة تخرج حتي قلت اضغط عليها من ورا ضغط فيها حاجة زي شريان احمر بيظهر انا الصراحه خوفت احسن تموت فسبتها
فياريت حد يقولي علي طريقه اخرج بيها البيضه ؟
ج:اخى الفاضل الحمام بيبيض بيضة واحدة وبعدها ب 48 ساعة البيضة التانية
لو اول بيضة ليها سيبها هى هتبيضها ومتحاولش تعمل حاجة
لو هى باضت واحدة فعلا ودى التانية وفات عليها اكتر من 3 ايام فى الحالة دى استخدم الطريقة التقليدية
انا استخدمتها مرتين ونجحت فى المرتين
امسك النتاية (بتجمع ريش الجناح كلة فى ايدك) كل ايد فيها جناح
ولفها دورة كاملة ورجها حوالى 5 مرات وسيبها بعدها
وهى هتبيضها ان شاء الله
بس طالما انت لسة بتتعلم
هات زيت طبيخ وادهن فتحة المجمع بيه ولو ما نفعش ومتاكد انها مقلوبة اعمل زي ما احمد قالك
س50:يا حماعة ياريت حد يقوللي المفيد في تحسين النوع عشان مش فاهمه
يعني لما حد بيعرض قص ما حد يرد عليه ويقولله دا مش قد كده بس ممكن تحسن منه
يعني هوا لما يبقي في قص مواصفاته تعبابة ممكن يجيب زغاليل مواصفات احسن ؟ وازاي؟
ج:تحسين النوع من خلال لقو الفرد المراد تحسينة ع حمام تاني احسن ف المواصفات
يعني دكر دماغة فيها بطحة .... تروح تلقية ع نتاية دماغها سليمة
هايطلعولك زغاليل دماغهم مش اوي ...تاخدهم تلقيهم ع دماغ عدلة تاني ... يطلعلك فرد دماغة مظبوط
دة الموضوع ببساطة .... بس مع الخبرة الموضوع بيزيد معاك ف التركيبات وطرق تانية كتير
س51:هل من المهم ترك أضاءة ليلية للحمام طوال الليل أم تتم الاضاءة لوقت معين فقط؟
ولكم مني جزيل الشكر أفادكم الله
ج:لازم هنا بقي تفرق بين حاجتين حمام الفرخ او حمام النش 
حمام النش لازم ياخد كفايتة من النوم علشان يقوم فايق بس لو بتنش نش ليل يبقي لازم تفتحلة النور من بعد المغرب وانت بتنش 
والعيون بتاعتك بتبقي مقفلة بالنهار علشان الحمام ضرايبة بتقفل يعني مش بيبقي بيشوف كويس بالنهار وحياتة كلها بالليل 
انما لو حمام فرخ ف انت محتاج تشغل النور بالليل لية ؟؟؟
علشان لو فية زغاليل تاكل طقة كمان ...علشان لو الحمام بيشتغل تزود فرص التخصيب ...فية ناس بتنور للحمام علشان القلش ودة غلط لانك لما تسرعة 
الحمام بيريح بردة 
واخيرا وليس اخرا ...النور ما يبقاش شغال طول الليل ..المعدل من ساعتين ل اربع ساعات فقط
س52:ياجماعة انا عاوز اعرف خلطة الثوم و البصل الا بتتحط للحمام و بتتعمل ازاى و بتتحط كل اد ايه و ايه فايدتها
ج:ربع بصلةاو نص صغير و5 فصوص توم وليمونة ع لتر مياة مقطعين
وتنقعهم من قبلها بيوم بالليل وتكون معطش الحمام وتديهالة ع غير ريق الصبح
طبعا اللتر دة بيتخف ع المياة ال بتشرب بيها الحمام كلة
وتكرر العملية كل اسبوع خلال الشتاء
مضاد حيوي طبيعي وفعال
عارفين بقي لو حد قالي ع الخلطة دي تاني ...هانفخة
س53:لو فى نتاية فكت 7 ريشات يعنى عليها 3 ريشات وولفت على دكر شغال النتاية دى هتبيض ولا لا ولامش هترضى تولف على الدكر
سوال تانى لو دكر عليه ريشة واحدة وولف على نتاية شغالة وباضت البيض هيبقى فيه كسر ولا لا
ج:هاتشتغل عادي ان شاء الله بس ممكن يجي البيض فاضي وممكن يتاخر البيض شوية 
وبردة الدكر ممكن تدية لنتاية وهوة علية 2 بس البيض بردة يطلع فاضي
س54:انا عندى جوزاسترالى 4 مرات والبيض بتاعه مش بيفقس
ودلوقتى هو راقد على البيض من 7 ايام
كنت عايزه اعرف البيض اذا كان مخصب ولا لا
انا بصيت فى البيض فى الشمس ماشفتش حاجة
وكمان الجوز ده بيتزاوج
مش عارفه ليه دايما البض بايظ
ج:علشان نشوف البيض مخصب ولا لا ممكن نبص ف الشمس نرفع البيضة لفوق وهايبان فيها شرايين 
او انك تجيب لمبة 100 وات وتحط البيضة عليها وهاتشوف الشرايين والدم
س55: عاوزاعرف احسن الانواع للحم ؟؟؟
ج:بص يا ريس احسن الانواع الكينج والمالتي والروماني ...دول اسعارهم حراقة شوية معاك تدفع هات منهم مش معاك ...يبقي بلدي تقيل
كينج ع بلدي او روماني ع بلدي وعيش بقي وماتنساش تعزمنا
س56:سلام عليكم
سؤال لأهل الخبرة
ما هى النصائح والأحنياطات عند وضع البيض لأول مرة وذلك تفاديا لكسره من قبل الحمام الحديث العهد وخصوصا لأول مرة
وشكرا
ج:ولا اي حاجة يا سيدي حطلهم شوية رمل او مسحوق عضم ناعم من اي حد بتاع علف دواجن واقعد استني البيض يفقس
س57:السلام عليكم //////كيف اتخلص من الفئران /////عندى فى العش وتاكل الزغاليل ///////// وشكرا.
ج:فية حلول كتير ...ممكن تجيب حتة لانشون وتحط عليها سم وترفع المية بالليل وتنضف مكانها كويس طبعا بعد ما يموت
وممكن مصيدة لو الحمام مقفول ف عيون هاتحط المصيدة وفيها راس سمكة اوعي تحطها فاضية الا الفار يطلعلك لسانة ههههه
او تجيب ورقة وتكتب عليا سمكة هاتلاقي الفار كاتبلك تاني يوم فار ههههههههه شكلك بتئلش 
او ممكن تحط قطة لو بردة الحمام مقفول ف عيون
س58:انا عندى الحمام مش بياكل الا الى على مزاجه يعنى بيسيب الحلبه والعدس وفى طريقه علشان اخليه يكلهم ولا مفيش فيده بس انا حاولت معاهم وجوعتهم علشان يكلوه بردو مفيش فيده
ج: حلها بسيط يا سيدي 
هاتحط للحمام نص طقة من الاكل ال مش بيحبة وليكن مثلا الفول ...طبعا الحمام جعان هاياكلة غصب عنة 
وبعدها تحطلة طقة تاني كلفة من ال بيحبها لحد ما الحمام يتعود ياكل الاتنين
س59:ازاي اعرف ان الحمام حيحصي قريبازاي اعرف ان الحمام حيحصي قريب
ج: هاتلاقي الدكر بيخنن وبيزوم ف الطاجن 
ولو مسكت حجر النتاية هاتلاقي الشوكتين بعاد عن بعض 
وهاتلاقيهم بيلموا قش
س60:بسم اللة الرحمن الرحيم من فضلكوا عايز اعرف ازاى اعرف النتاية الشغالة من النتاية العطال ولكم منى جزيل الشكر
ج: حطلها بيضة ف الطاجن لو رقدت يبقي عطال
س61:عندي من فترة طويلة حمام ازرق قطيفة و ورحاينة واستراليات سود
بس الزغاليل عندي بتطلع دايما مكسحة او مخوصة
مع العلم اني بربي في اقفص كبيرة
وكمان في جوز من الزرق القطيفة بياكل الزغليل لغاية حجم معين ويسبهم بس يكونوا لسة مبيعروش ياكلوا لوحدهم
اسف علي الاطالة وجزاكم الله كل خير 
ج: الزغاليل عندها نقص كالسيوم وهاتديهم كالسيمات او اوسكال او كالسيوم فاركو كل يوم حباية لمدة 3 ايام 
وياريت تزود البروتين ف الكلفة زي فول وبسلة وعدس
س62:الفران والعرس؟؟؟
ج: ياجدعان خايفين من اية دة انا اعرف ناس بتاكلهم ع الفطار 
بص ياحاج 
لو فران او عرس عندك كذا حل فية المصيدة وتحط جواها راس سمكة للفار او حتة لانشون وللعرسة كبدة فرخة طازة بدمها 
او لقمة عيش فيها ريحة السمنة البلدي من عند العطار 
وممكن تجيب لانشون وتحط علية سم او لقمة بريحة السمنة البلدي وعليها سم او سكر علية جبس 
بس الشرط انك ترفع مية الحمام من بليل علشان الحمام ما يتسمش 
وفية ناس بتقفل الغية سلك وارضيتها من تحت صفايح بحيث ان الفران لما تيجي تطلع تتزحلق
س63:الصقور والغربان والبوم والحداية؟؟؟
دي حلها يا اما تجيب شبكة وتفرشها ع ضهر الغية مثلا وتحط ف وسطها عصفور حي واول ما الحاجات دي تيجي ع الشبكة 
مخالبها هاتمسك فيها وتمسكهاانت بقي واتعامل 
يااما تشوف اي حد عندة بندقية وتصطاد الصقر او البومة او الحداية او الغراب ال مدايقك
س64:ازاى افرق بين البلدى و الجمعية علشان العضم واحد
مثلا
انا جبت قص بلدى وقص جمعيه بيض
النتاية الجمعية العضم بتاعها زى عضم البدى
ازاى بقا افرق بينهم
ج:بص هوة بيبقوا شبة بعض ف حاجات كتيرة
بس الجمعية او الزاجل
اولا بيبان من وقفتة
تاني حاجة لما تمسك الفرد تلاقي كتلة عضل مش حاجة ضعيفة كدة
كمان بيميزة انة بيبقي قصير وديلة ع ريشة واحدة يعني مرصوص فوق بعضة
لون العين بيبقي ملحي ف الغوامق وابكم ف الابيض
انما عين البلدي بتبقي فراخي ف الغوامق يعني حمرة بس
س65:السلام عليكم ورحمة الله وبركاته
انا عاندى كام قص كدة عبسى على زرق على حمري على اكول شقلباظ
المهم انا بقالى اسبوع حاطت كل اتنين مع بعض وبرضو مفيش خالص مش عيزين يخدو بعض وفى دكرين خدو نتيتين من الانواع التنين وانا هتجنن مش عيزين يخدو بعض والدكرة مش بتشوف النتى بتعتها وكدة وبرضو..... قلولى اعمل ايه مع العلم انى جوزت حمام كتير قبل كدة بس دول مش عارف في ايه انا زهقت والله اوى اول مرة اتخنق من الحمام كدة
ج:لية بس الخنقة هوة انت لسة شوفت حاجة دة احنا طلع عنينا زمان ع المعلومة وبعدها طلع عينا ف التربية ماعلينا 
يا اخى الموضوع سهل للغاية حط كل دكر فى عين لوحده لمدة اربع ايام لوحده اكرر لوحده احبسه اربع ايام و بعد كده دخل عليه النتاية الا انت عاوز تديهاله لمدة ارع او 5 ايام و ان شاء الله هياخدها لو حصل و مخدهاش و خد النتاية الا كان واخدها برضه فى حل تانى لازم تجوز كل قص فى مكان مختلف يعنى تخلى قص فى العشة عندك و القصين الباقيين فى اماكن تانية برة العشة بحيث انهم ميشفوش بعض اصلا مفيش دكر يشوف النتاية الا كان واخدها 
بس مش لازم تبقي ف مكان تاني ممكن تبقي تحطهم ف باب بردة جوة السلاكة بس مش بابين جنب بعض ولا بابين تحت بعض وخلي عينك عليهم دايما
وياريت لما تيجي تلقي الحمام وتحط كل دكر لوحدة مايبقاش شايف نتاية من ال كان اخدها يعني خد النتايات حطهم ف باب بعيد عن الدكور والدكر ال يجهز طلعلة نتاية
س66:عندي اص ازرق قطيفة كل أما يحصي القي الحصي منقور عايز أعرف السبب وكيفية التعامل مع هذة الحالة
ج:نقص كالسيوم اهتم بالتحديق واديهم كالسيمات
ولو عملوها تاني حطلهم كورة بينج بونج او بيض صناعي
علشان لما يحاولوا يكسروة مش هايعرفوا ويتعلموا
س67:سؤال لاهل الخبره الفرخ عندى بيطلع مطعون وحجم قليل
ج:دة بيرجع لحاجات كتير جدا
زي اية ؟؟؟
زي الحضان مش حنين كفاية ومش بياكل الزغلول كويس
او الكلفة بتاعتك مش مظبوطة ومحتاج تعمل كلفة متوازنة وفيها انواع حبوب مختلفة
او ان حضرتك مش بتهتم بالفيتامينات ودة شئ مهم لصحة الزغلول
س68:أرجوا الإفاده من أهل الخبره عندي طيره هزاز هندي بتحيض بيض أكتشفت أنها لا ترفع ذيلها عند التكسير من الذكر أرجوا ان تفيدوني يا أهل الخبره
ج:فية حلين يا اما تنسل ريش الديل من الجناب وتسيب النص 
يا اما تقص تلتين الديل بالمقص وان شاء الله يحصل تخصيب
س69:احط ف الطاجن اية ؟؟؟؟
ج:عندك حاجات كتير ممكن تحطها ف الطاجن 
اولها الرمل وبعدين النشارة الخشنة وماتحطش ناعمة علشان بتبرغت وكمان التراب 
وممكن تحط قش وممكن تحط حاجةاسمها كارينا دي ال بيحشوا بيها العفش عبارة عن قش خفيف كدة
وفية حاجة اسمها مسحوق عضم ناعم دة منة تحديق ومنة بيفرش ف الطاجن ودة اساسا علف دواجن بس خلي بالك لازم يكون ناعم علشان الخشن هايكسر البيضة
س70:انا حاطط الحمام ع البلاطينفع ولالا؟؟؟
ج: عامة هوة غلط يبقي ع البلاط ع طول لازم تفرشلة حاجة زي نشارة خشنة او حتي تفرش ورق وتغيرة كل فترة علشان الرتوبة هاتتعب الحمام
س71:سؤال بسيط
ايه أقل فترة زمنية للتفريق ما بين زوجين ؟
و كيفية عمل ذلك ؟
ج:هاتفصلهم عن بعض مايشوفوش بعض واديهم راحة 4 ايام ولا حاجة ابدا القي من جديد اي حمام تاني
س72:ياجماعة ناس تقولى الفلفل الاسود مضر وناس تقولى مش مضر
وناس تقولى لا الفلفل الاسمر احسن وامن
ايه الاحسن
ولو فى دواء فى الصيدلية بيخلى الدكر يكسر يقولى
ج: هوة مش مضر بس كترة هوة ال مضر خلي اربع حبايات دة اذا كان الدكر بارد غير كدة سيبة بطبيعتة 
ولو عاوز حاجة بيطرية يبقي ه سلينيوم
س73:الحمام بلدي وانا بنظف المكان مسكت البيض ومن ساعته الحمام مرداش يرقد عليه ايه العمل ؟
ج:دي بترجع لحنية الحمامة حاول تحطهم ف باب وتحطلهم البيض لو مارقدوش يبقي العوض عليك 
وانصحك التخلص من القص لو كان مش حنين لانة مش هاينفع تعتمد علية ف التحضين

نموذج الاتصال

الاسم

بريد إلكتروني *

رسالة *

مشاركة مميزة

رسالة تنبيه لخطر المشروع الاسرائيلي الأمريكي لشرق أوسط جديد

  رسالة تنبيه لخطر المشروع الاسرائيلي الأمريكي لشرق أوسط جديد وتدمير الدول العربية والإسلامية . بقلم الكاتب والباحث السياسي / طارق أحمد عقل ...