مشروع تجارة الملابس البالات " أستعمال الخارج بحالة الزيروا "

مشروع اليوم هو

مشروع تجارة الملابس البالات " أستعمال الخارج بحالة الزيروا "

هي ملابس أستعمال الخارج بتاتي من اوربا ودول الخليج وجميها مثل الجديدة بنسبة 90 الي 95 % وطبعاً أغلبها ماركات عالمية

أولاً :- السلام عليكم

مشروع اليوم مش شغلنا أحنا بس لا ده شغل بالتعاون مع 12 شركة بتعمل في مجال الملابس المستوردة " البالات "

وده مشروع ممتاز وجيد للجميع وبالأخص للشباب والمرأة

وممكن تنفذه من البيت وبأقل تكلفة وممكن تبدأ ببألة واحدة وبعد كده تكبر

وتسويق سهل من البداية وممكن تبدأ بأصحابك وأصدقاءك وأهلك ومعارف وبعد كده ممكن تتوسع براحتك

وممكن كمان تعمل المشروع في محل صغير بطريقة ودكورات جديدة

وإليكم التفاصيل

بعون الله وتوفيقه

معنا ومع شركائنا وبحمد الله

تجارة الملابس الاوروبية البالة والاستوك هتبقى كتاب مفتوح لجميع الاخوة والاخوات سواء تم التعامل معنا او مع غيرنا كل تفاصيل تجارة البالة الاوروبى و لك حرية الاختيار

ولا تنسونا من الدعاء

لكن حاولوا تعرفوا وتقروا المكتوب

____________________

السوق فى مصر

انعدام سيولة

اولويات اكل /شرب/دواء/فواتير/مواصلات/ملابس

تجارة الملابس

ارتفاع تكلفة المنتج المحلى و شغل ردىء و بالتجربة /غلق عدد كبير من الورش و المصانع /ارتفاع تكاليف ايجار المحلات و تكاليف توضيب محل الجديد /تشابه الموديلات فى كل مكان زى موحد

محلات البالة

تنوع شديد فى المعروض من البراند الجديد و متسالش ازاى الى الشغل الشعبى ابو 12 جنيه الحتة

موديلات متنوعة محددة قطع منفردة الزبون وارد جدا يشترى قطعة ميلاقيش على حد تانى و ه نفسه ميعرفش يجيبها

توضيب محل البالة لا يقارن بلاخر ..استاند و حوامل على الحيطان و اضاءة محترمة بروفة وبس اى بهرجة او دايزين هيجيب اثر عكسى و متقارنش نفسك ببوب كبير او اسم كبير عامل بالو و تقول ابدء زيه تخسر

الشغل دا بفلوس ميجيش بالسهل و مش مرمى فى الشارع دا سوق كبير فى اوروبا بتتافس فيه شمال افريقيا كلها

دى معطيات الدنيا اختار لو انت عايز تدخل مجال الملابس

الدنيا صعبة وليست سهلة و اهم حاجة الصبر و الدراسة

ادخل محلات البالة الى جنبك واتعرف و شوف الهاى و الشعبى

و تابع____________

لو فتحت محل بالة ازاى ابيع و انتو بتبيعوا بالكيلو ؟؟؟؟؟؟؟؟؟؟؟؟؟؟؟؟؟؟؟؟؟

البيع فى محللات البالة بيتم بطريقتين

التسعير ...................... بالميزان

تسعير زى ماقولنا امبارح بتقسيم الشغل ووضع سعر لكل قطعة حسب درجاتها و تميزها و شكلها و حالتها ووزنها و كل استاند على سعر معين للصنف الى فى الاستاند ..زى وكالة البلح كده

ستاند على 100 و ستاند على 50 و ستان على 20 جنيه

الميزان

و دا الى بدء ينتشر زى لقطة كده

الزبون يخش المحل هو الى يختار الى هو عايزه و يتحاسب بالكيلو الى اختاره يتحط على الميزان لو اشتريت الكيلو على 100 مثال رقمى !!! و قررت تبيع على 200 للكيلو فى المحل

و زبون اختار قطعة ووزنها على الميزان وهو طالع طلعت وزنها 1 ك يدفع 200 جنيه ولو طلعت 100 جرام يدفع 20 جنيه

فرشة محل البالة

البساطة استاند /حوامل على الحيطان

محل البالة مش محتاج مكان مميز و ان كان يفضل

زبونك هيجيلك و هيلبس ماركات مش هيلاقيها بره

____________________

فى التجارة

مفيش عاطفة مفيش حب و كره مفيش اصل مستريح ليه مفيش ثقة مطلقة

علاقة مادية بحتة تبادلية قايمة على المصلحة و المصلحة فقط

بما يرضى الله باسلوب مباشر وواضح _____________

____________

ازاى اكسب من شغل البالة و بتتحسب ازاى ؟؟؟؟ وكلها مكسب ومفهاش خسارة خالص يعنى كده ؟؟

الاول بتعرف انت بتشترى ايه و منين و لمين والفئة المستهدفة و مكانك فين وزبونك مين

بتختار لصنف و بتشوف دفعت كام اجمالا فى تمن البالة ال 50 ك

تقسم المبلغ كله على عدد القطع كلها

كل القطع واحدة لا

كل القطع مميزة لا

كل القطع نفس الخامة و الماركات و درحة نقاء الحتة لا

فى تنوع داخل البالة اكيد

بعد التقسيم الاول للمبلغ على كامل عدد القطع

ياتى الاهم

تقسيم تانى

القطع المميزة تضع ليها اعلى هامش ربح فالاقل تميزا فالاقل تميزا

فى اسوا الاحوال لمت تمن البالة من القطع المميزة فقط و لا تتنازل فى سعر بيع كويس مناسب و الى هو هيبقى اقل سعر من الشغل المصرى الى هو اصلا فى كل شى (لا توجد مقارنة ))

و الباقى مكسب صافى باقل اقل هامش ربح على القطعة

دا لو اخترت درجة متوسطة او شعبى اما الدرجات العالية فنسبة القطع الى هتتعبك فى البيع تكاد لا تذكر و كله بيتشال و كله ليه تمنه و مكانه

الكلام دا للى عايز ياكل عيش و يتعلم

فى ناس بتثبت نفسها فى المجال وناس خفيفة بتقع

لا الكل بيكسب و لا الكل بيخسر

حسب الرزق و التوكل على الله والاخذ بالاسباب

مثال بالة الاطفال متوسط عدد القطع فى الصيفى من من 400 الى 500 قطعة فى ال 50 ك

متوسط عدد القطع من 8 الى 10 قطع فى الكيلو

تقسم المبلغ على القطع و تطلع المميز و تحط ليه اعلى هامش ربح و خد قطعه و روح شوفها بنفسك الى زيها فى محل الاطفال المصرى بكام و انت هتبيعاها بكام و خام

_____________

البالة الاوروبى

درجات /جنسيات /اصناف

خيشة البالة لبس مستعمل الاصل فيه انه مستعمل من استعمال ساعة /يوم/اسبوع/سنة /سنين

البالة فيها لبس جديد فيها و بالتكيت الاصلى ..ازاى وامتى وفين ..هتعرف فى وقته

البالة فيها هالك و قطع فيها بقع و نقر ..فيها طبعا

البالة دى على بعضها هيصة كله فى بعضه ربش يعنى لا

البالة اللبس المستعمل يتم تجميعه فى معامل متخصصة اشهرها فى بليجكا و انجلترا وهولندا واستراليا

فى فيديو تحت للى عايز يعرف ؟؟؟

يتم الفرز فيها بكل دقة كل صنف على حده

بتوصل لينا اختصار

رجالى او حريمى او اطفالى

و الشغل الاوروبى داخل كل تصنيف من دول تصيف اخر

مثال الرجالى (قميص /تيشرت/رياضى/جينز/سويتر/بلطو/بوكليت/جواكت/ كرافت (تخصص تام

المعامل بيجمع الشغل منالاتحاد اوروبى بتلاقى كل الجنسيات فى البالة

بالة بليجكى .... مش معنى كده ان الشغل كله صنع فى بليجكا لا من كل مكان

الشغل الاوروبى فى نسبة صينى

اكيد تمام فى صينى بتاع اوروبا و الناس الى مسافرة عارفين يعنى ايه

و الكركبة دى على اساس ايه

تابع

مش فاهم يعنى بالة ؟؟؟

هى دى شكل البالة الى بتشتريها

ناس بتطلع شمبر مقفولة ...اخرك تشوف كام حته من الوش

وناس بتطلعها خياطة نفس الخيشة نفس الموجود لو نفس الدرجة او الجنسية او الصنف و الاثنين كويسين لانهم واحد لكن كله بتمنه

وزن البالة المتعارف عليه 50 و فى بعض الاحيان والدرجات 45 كيلو

البالة حريمى او رجالى او اطفالى

الحريمى (بلوزات /بديهات /دريساتطويلة/دريسات محيرة/كنزات طويلو وقصيرة و تريكو/سويتر حريمى /واصناف كثيرة داخل الصنف الحريمى كل صنف فى بالة لوحده

يعنى بالة للبلوزات الشميزات فقط 50 ك كلها بلوزات و هكذا فى كل الاصناف

مفيش حاجة على حاجة و ردم و ارمى لا فى الشغل الاوروبى و فرز المعامل

تروح اى مكان تعرف هتشوف شغلك ولالا ...........اولا

___________

البالة و الاستوك

ايه الفرق بينهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاثنين شغل مستورد برندات ماركة شهيرة اوروبية اوروجينال و فرست هاى كوبى و الصينى فيه لاوروبا

البالة الاصل ملابس مستعملة استعمال راقى جدا فى داخل البالة قطع جديدة تمام بالتكيت الاصلى و قطع جديدة تمام من غير تكيت و لكن بالتكيت الداخلى للماركة و تتناسب درجة البالة و محتواها على حسب درجاتها من السوبر ككريمى الى الشغل الشعبى تقولى ازاى جديد فى خيشة بالة متاخدتش فى بالك

الاستوك ملابس مستوردة تصفيات توكيلات اوروبية كلها تكيت لم تستعمل

طب ليه اتاجر فى شغل اوروبى مستعمل مجيب مصرى جديد و ابدء بى مشروعى ؟؟؟

اللبس البالة او الاستوك الى و لله الحمد بدء يغزو كل الشوارع فى القاهرة والمحافظات الى كنا زمان بنروح لمكانين بس

الوكالة حبيبتى هه و بورسعيد

خامات عالية /الوان ثابتة/استايلات حديثة /ماركات شهيرة /موديلات غير متكررة القطعة ممكن متلاقيش على حد تانى /سعر اقل من المصرى الاقل فى كل شىء اخامة شكل جودة

تكلفة انشاء محل بالة اقل من النصف و تجهيزات بسيطة راس مال صغير امكانية تخصص فى صنف واحد امكانية بيع من المنزل او اون لاين فرق سعر واضح و عملى بين سعر محلات الجديد و البالة و التجربة فى الحالة افضل من اى كلام

ازاى تتعامل فى مخزن الطاهر للبالة و الاستوك

حضرتك بتشرفنا فى المخزن شغلنا مفتوح على مية بيضا بنفتح ليك البالة الى قررت تشتريها بتطلع على الشغل ايكش قطعة قطعة من باب لاطلاع والاطمئنان و ليس التنقية تتاكد من شغلك تقيمه بنفسك و توزن بالجرام حقك وخقى تدفع فلوسك يا محترم معاك شغل عارفه حته حته

مفيش سمك فى ميه البيع جملة فقط بالات 50 ك

مفيش شغل شمبر بالات مقفولة خياطة

درجات شغل بتتقال بحق ربنا قدامك الدنيا بتختار الى انت عايزه

اهم حاجة تبقى عارف انت عايز ايه علشان وقتى ووقتك السعر الى بيتقال على الفيس هو على الخاص هو الى فى المخزن السوق معروف للكل و على عينك يا تاجر

الى عايز ياكل عيش فى دنيا البالة على المكشوف اهلا بيه فى اى وقت

الى ليه فى اللف والدوران و شغل التمنينات ههه دا خلاص بح

فلوسك فى ايديك عينك فى راسك تقيم الشغل بنفسك متشغلغش بالك بالمسميات عجبك الشغل شيل معجبتش سيبوه مكانه

هتتعب هتلاقى مفيش حاجة هتيجى لحد عندك وانت مستريح لازم همة وعزم

فى شحن شركة ايرجنت لمن سبق ل التعامل المباشر

وعلى فكرة كنت هنسى الناس الى بتقول بورسعيد ..تمام

بورسعيد دى بعد اسماعيلية

لمن يريد النجاح و الاستمرار

الى عايز يبدء بجد

بعد التوكل على الله

يسعى ياخد بالاسباب يدرس هيدخل فى ايه ..

يتحرك ...يتحرك و يلف ويشوف يشوف يسال

يعرف ان التجارة صبر وتعب و شقى و مخاطرة ..اه مخاطرة

فيها مكسب وخسارة

و تجارب و تعلم و صواب وخطا

لالالالالالالالالالالالا فى نوعية جديدة رجال ونساء ناويين يدخلو التجارة

عايزين كل حاجة لحد عندهم معلومات /بضاعة /مكسب/ قبل كل شىء مخاطرة صفر صبر على البيع والشراء يوم او اسبوع او انهيار عصبى و تصفية و الحقونا

هتخسروا فى التجارة ..نصيحة

و هناك ابواب اخرى للرزق لهذه النوعية من خلق الله و لله فى خلقه شان

سوال دائم التكرار عن عدد القطع فى البالات

اصناف صيفى :-

50 كيلو ملابس اطفال = 480 قطعة تقريباً

50 كيلو قميص رجالى = 225 قطعة تقريباً

50 كيلو تى شيرت رجالى = 270 قطعة تقريباً

50 كيلو فيست وبدى = 400 قطعة تقريباً

50 كيلو شيميز وبلوزة = 450 قطعة تقريباً

50 كيلو فستان = 195 قطعة تقريباً

50 كيلو شورت وبرمودا = 170 قطعة تقريباً

50 كيلو ملابس رياضية = 160 قطعة تقريباً

50 كيلو داخلى حريمى ولانجيرى ومايوه وكورسيه 1000 قطعة

50 كيلو بنطلون رجالى = 75 قطعة تقريباً

50 كيلو بنطلون حريمى = 90 قطعة تقريباً

50 كيلو بنطلون محير = 110 قطعة تقريباً

اصناف شتوى :-

50 كيلو ملابس اطفال = 270 قطعة تقريباً

50 كيلو جاكيت وسويتر رجالى = 50 قطعة تقريباً

50 كيلو سويت شيرت رجالى = 100 قطعة تقريباً

50 كيلو بلوفر رجالى = 125 قطعة تقريباً

50 كيلو بالطو رجالى = 38 قطعة تقريباً

50 كيلو كنزة حريمى = 220 قطعة تقريباً

50 كيلو كنزة طويلة حريمى = 170 قطعة تقريباً

50 كيلو درالون حريمى = 280 قطعة تقريباً

متوسطات ارقام تقريبة

وندعوكم لأنضمام لجروبنا هتلقوا عليه أفضل مشروعات ودرسات الجدوي المتكاملة والشاملة بالصورة والفديوهات لمختلف المشروعات المتنوعة المعروضة بالجروب حيث أننا طرحنا بالجروب ما يزيد عن 390 مشروع بكامل دراساتهم المدعوة بصور للمشروعات والماكينات وخطوط الأنتاج وبعضها مدعم بالفديوهات الموضحة للمشروعات .
وجميعها مشروعات ناجحة وجديدة وجيدة وممتازة
كما أننا نرحب بآي أستفسارات وأستشارات للسادة الأعضاء المنضمين لدينا ونجاوب عليها .
ونرحب بآي أقترحات لدي الأعضاء .
كما نقدم خدمة الأستشارات الفانية لدرسات الجدوي لكافة المشروعات سواء الزراعية أو الصناعية أو التجارية أو الأستثمارية أو الخدمية وفي آي مجال تريدوه بالمجان
ويسعدنا أنضمامكم لنا في جروبانا هذا وده صفحته علي الفيس بك 
https://www.facebook.com/groups/266550340453173/
أو انضمامك ومتابعتك لمدونتنا للمشروعات ودراسات الجدوي علي جوجل التالية :-
https://pramedsgorop.blogspot.com.eg/
للتواصل معنا الأتصال علي الأرقام التالية :-

01028596288

01006751034

مع تحياتي للجميع

أخوكم

الشريف / طارق احمد عقل محمد

" طارق عقل "

وكنيته أبو يوسف